سؤال بريء
ديوان سؤال بريء – قصائد الشعر الشعبي – علي السيد نور القزويني
| لوحة | ||
| لوحة مرسومة واظن معروفة | تحجي يومج كربلة وظروفة | |
| سيل يتدهده مثل نبع ونهر | مدري من البصرة مدري الكوفة | |
| جذب كلمن كال نهرين وسكت | نهر ثالث عدنة روح وشوفة | |
| جن بساتين الورد تزحف زحف | هذا شي بس كربلاء تشوفه | |
| هاي شدة جوري منا زعفران | وهذا قداح اليشم ضيوفة | |
| ورد يحضن ورد زاير والمضيف | شدة وي شدة غدت ملفوفة | |
| ناس ملهوفة تجي تزور الحسين | وناس عالخدمة وكرم ملهوفة | |
| العندة خوفة يطيب من يوصل هناك | لزمة الشباج تجلي الخوفة | |
| مو زها سوتهة هندسهة الحسين | من ثورته رتب المصفوفة | |
| نعوفة؟ لا والله نفديه بالركاب | شلون مفتاح الجنان نعوفة | |
| سبع الكنطرة | ||
| ارد ابلغ اللي درة والما درة | هم سمعت بيوم سبع الكنطرة | |
| ياقمر هاشم ونور هالوجود | مثل ابوه كرار ليث وقسورة | |
| ضلع اخوه حسين وبروحة فداه | وشايل هموم اليتامى اللي ورة | |
| عينة ماغفلت عن خيام الرسول | ظعنة والوصاه بيهم حيدرة | |
| كلمن الينخاه يشفعلة الاله | سرة والتاريخ ماظن فسرة | |
| رعب وصاب العدو لمن لكوه | سجل اسماء العلوج بدفترة | |
| من ظفر برجالهم ماهمة خوف | شطب اسمه بساع ميت اشرة | |
| مامنع جفينة لورايد يكوم | خلة جتفة يكظ سلاحة وطورة | |
| الغرض مو ماي يشرب من اجاه | استخطة ماي النهر راد يطهرة | |
| هذا ابو فاضل فخر ام البنين | من كتابة الغيرة تتدرس ترة | |
| شيطان الشعر | ||
| شيطان الشعر مرني بهذاك اليوم | كلي لاتدك خطوطي مشغولة | |
| كلهة تريد تكتب والحبر خلصان | عن شنهو يشاعر شعرك تكولة | |
| كتلة عن قضية يدور بيهة الكون | يرويهة البحر والجبل وسهولة | |
| تذكرهة الشمس بدموع مثل النار | ويرد الكمر بانوار معلولة | |
| قضية امتحان لناس معروفين | فشلوا بيه من المرحلة الاولى | |
| رد اعلية كال احجيلي شنهو الصار | بالتفصيل عدنة الليل وبطولة | |
| كتلة من فرحتي ركصت الجلمات | والشعر انكلب بالفرحة هلهولة | |
| چن حفلة عرس ننطرها وبكل شوك | كل عام وتصيح الخلك عدولة | |
| طل عيد الغدير نبايع الكرار | وياك احنة حيدر خبر ودولة | |
| شما طال العمر جددنة عهد وياك | وليوم القيامة الخلك مسؤولة | |
| انت القصيدة | ||
| شاريد اكتب شعر وانتة القصيدة | وكل جلمة وحرف منك عقيدة | |
| جديد ايماننة بفكرك يمولاي | بس محبتك لا مو جديدة | |
| محبتك للازل دستور موضوع | واللي اسسة الرحمن بيدة | |
| وفكرك يبو اليمة بكل زمن صار | نهج كل ثائر يحرر عبيدة | |
| مقام حسين مو بس سجل وروح | سيد كل شهيد وكل شهيدة | |
| شريد اكتب شعر مو سطر سطرين | يمن ذكرك الماتحويه جريدة | |
| اريد انظم لالي بحب الحسين | حرف مكتوب لا لا ما اريدة | |
| حسين انتة الفكر والثورة والنور | مباديء ذن علاقتهن وطيدة | |
| حسين اللي كتب تاريخ الاسلام | لا مو بالحبر من دم وريدة | |
| حسين اللي رسم لوحة بطولات | ماظن هالرسم نكدر نعيدة | |
| تفرد بالصمود وباع دنياه | كلام الله بالمنحر نشيدة | |
| اكيد نذوب بمحبتك يمولاي | وولايتنة على دربك اكيدة | |
| الغافل | ||
| اخوي الغافل اتمنالك انة الخير | تعرف شنو الخير بلغة الضاد | |
| اسألك ياصديقي عندك اخوان | خوات اعمام كلي عندك احفاد | |
| لون واحد فطس متنزل دموع | واهلك من قهرهم تلبس سواد | |
| اولادك عليهم ابد متخاف | ماتفكد وتسأل عن الاولاد | |
| تقبل من بنتك يكصون اذانات | لاجل ترجية اسهل منهة تنصاد | |
| تقبل طفلك يذبحوه بسهام | ويظل فارغ يهز بروحة المهاد | |
| خواتك ترضى ظلن دون الخيام | خيام محركة وكسروا الاوتاد | |
| تبقى بلا عشيرة بلاية خوان | لان كلهم انذبحوا مثل الاوراد | |
| تظل نسوانك مربطة بزناجيل | وايفرجون بيهم كل الاشهاد | |
| عمرك ماسمعت بقصة حسين | تذوب الصخر من تسمعهة تنعاد | |
| عمرك ماضكت من قيمة حسين | ماغزر ملح ظل بيك والزاد | |
| حسين اسطورة ظلت كل الاديان | تذكرهة بحزن تكتبهة المداد | |
| ثورة فكر ماتتكرر حسين | للعالم طريق يخط الامجاد | |
| اظن مثلك قليل بلاية احساس | جثة تعيش عالة بلاية افاد | |
| شيلتكم ثكيلة | ||
| اظن بالحشر شيلتكم ثكيلة | شتجاوب ربك بيوم التجي لة | |
| اريد اسألكم هناك شتقدمون | من كل رافضي يقدم دليلة | |
| شتكل لربك قريت الروايات | حفظت انة الف ليلة وليلة | |
| شتجاوب عالوعاء اللي اختفة وضاع | علوم الضيعوهن مو قليلة | |
| شكد باطل شكد زتو روايات | زركهن ابو هريرة من شليلة | |
| شتكل لربك اللي اجتهد غلطان | لو امة وخلت ماتهم جيلة | |
| يوكفلك عمر؟ شيخة الرايات | لو توكفلك كلوب العليلة | |
| يوم الحشر ماينفعكم المال | ولاينفع وليدة ولاخليلة | |
| مامش بس شفاعة علي الكرار | اصحو وابتغوا ليه الوسيلة | |
| شيعة علي احنة ونكصد الخير | نشغل عقولكم مومستحيلة | |
| طفح الكيل | ||
| الكيل وطفح مو يزي تتحدة | مامش امل مايك يعبر السدة | |
| زمانك ولى بل وانكشفت الاسرار | اكسباير صرت وانتهت المدة | |
| والباب الذي بي تضحك اعلى الناس | مفتاحة صدي وانكسرت اليدة | |
| كول لربعك اللي بيهم تحاميت | الگيم انتهت وتحضرو للشردة | |
| اجتك ربع تركض، سامع بعاشور؟ | اذا ماسامع احسنلك اظن واهدة | |
| زلم رضعت ولاية حيدر الكرار | تعبد الله موش الصاحب تعبدة | |
| اهل غيرة وكرامة وشرف والناموس | تتريك ولاء وصبر تتغدة | |
| شاوصفهم بعد كدامك التاريخ | زلم خشنة تكض الجبل وتمردة | |
| لك ياما نصحتك تصحى من هالنوم | مو نافذ رصيدك چفن وي لحدة | |
| اظن يزي ضحك عالوادم بلا دين | هذا الدين حتة الاهبل يشردة | |
| ادري من الاسلام شبقة وانت تكول | عفت حسين وامة ووالدة وجدة | |
| ورضيت بزمرة تكره طه والاسلام | لان ترهم وياهم فرش ومخدة | |
| مية الف مفتي وين حتى تروح | تتعلم غسل بس من ورة البردة | |
| يالاهبل كوم تاخذ دينك من العاص | مثل الحية تذكر من نزع جلدة | |
| لو من ابن عقبة اللي سجد سكران | تيه يافرض ياركعة ياسجدة | |
| شنهو تعلمت بالدين دحجي وكول | يبلع حوت كرشك مثل ابن هندة | |
| لو يمك يزيد وتسأل احتاجيت | تجيب الفتوى منه لو من القردة | |
| لون منكم انا ما اچلب بهالدين | ابيعة بالعلاوي ببسطة الخردة | |
| التتنجي | ||
| مدري افرح مدري ابجي | خلي دمع الفرح يحجي | |
| لون عن كل فرحة خرزة | سبحة صارت عندي هجي | |
| اولا عيد الولاية | رايح اتصدق وازجي | |
| ثاني من منبر الزهرة | جانة سيد درر يحجي | |
| الثالثة الفرحة الجبيرة | من الكلب ياروحي دبجي | |
| باب خيبر خردة صارت | وابن ود انجلد قمجي | |
| النتن عزل كيانة | الليلة ومفتح تتنجي | |
| سري للغاية | ||
| فلان مدري شبيك سابيني سبي | منين جبت النوب ميورث نبي | |
| سري للغاية على الوتسب اجاك | دزلك ايميل انكليزي عربي؟ | |
| لمن سولت نفسك تزور حديث | ماقبل مضمونة حتى الاجنبي | |
| مسألت نفسك شلون انتة دريت | وهاي امة النبي ماتدري بي | |
| النوب ربعك كيفو مافندوه | والحميرة شهدت الصادق ابي | |
| واجو من تالي الرواة وثبتوه | ساعة ابن تيمية ساعة الذهبي | |
| شمالك انتة وصاحبك جوة العبا | حكتم اللعبة وتخيطون العبي | |
| فضحك من كال فلتان البعيد | اثم وخاين وهم غادر صبي | |
| فلم سويتوهة مكصدهة ضلال | چنهة قادر بيك وية الچلبي | |
| معقولة | ||
| معقولة انحرفتو عن درب هالدين | ضيعتو الفروع وضاعت اصولة | |
| معقولة انكلبتو وصرتو مرتدين | گابلتو الرسول وكلتو عدولة | |
| معقولة انتو ربكم نزل تالي الليل | وبنصهة لجهنم مدد ريولة | |
| معقولة نبيكم من اجاه جبريل | غطة بشدة خلة عظامة مشلولة | |
| معقولة نبيكم يحضر الحفلات | ويكولن اريد اسمع يامدلولة | |
| معقولة نبيكم يم خرابة يروح | يريق الماي كالو واكف بطولة | |
| معقولة اخذتو الدين من سكران | روحة بوسخ هاي الدنية مشغولة | |
| معقولة لون طول العمر ظليت | اعدد من بلاويكم ممعقولة | |
| اصحوا وكافي بس يا امة المليار | ياهو اللي يجي يضحك على عقولة | |
| رواية وحيدة بس معقولة منقولة | ولاية داحي خيبر بس هي الاولى | |
| عصر القوة | ||
| راح ابعد عن عصر القوة | وتسألني شسوة وماسوة | |
| لا ما اجيبن طاري مكاون | ماكولن حيدرنة شسوة | |
| ما احجي بخيبر داحيهة | بذيج الشدة وذيج القسوة | |
| ماكولن بفراش المرسل | لمن قدم روحة فدوة | |
| ولا اكولن الاحزاب الشردت | من برز بسيفه بس هوة | |
| ارد احجي بهاليوم بفترة | من صوته بالمنبر دوة | |
| بس منين ابدي وشاخبركم | يا خطبة ويا شعر وفتوى | |
| باب العلم المامش مثلة | بحر الغيرة ونهر مروة | |
| طيبة وكرم وعدل وحكمة | بطولة وقوة وهم فتوة | |
| ما انقل من كتب الشيعة | ولا اجيبن من مسلم فتوة | |
| من جرداق الانسانية | بكتابه خلاه القدوة | |
| لو جبران وميخا نعيمة | وصفوه مثل النور وضوة | |
| دانتي بالكومديا يوصفة | جمرة نار البيهة تجوة | |
| خل احجي شوية اعلى المنبر | والمنبر يشهد والخطوة | |
| شتريد الخطبة بلا نقطة | كاملة بالمعنى وبالفحوى | |
| لو خطبة بلا الف وهمزة | اعجاز الكلمة البي هوة | |
| خطب التوحيد اللي تشهد | لليوم بكل مجلس تروى | |
| حكم واقوال الماتنعد | اتخش بنص كلبك جوة | |
| لو شعرة النبع من الحكمة | بيها الامل وبيها الصحوة | |
| لو ادعيتة تناجي الخالق | تحميك من الضر والبلوة | |
| يناجي الرحمن بكل ليلة | ويكلة الدنية ماتسوة | |
| ما اعبدك طمعان بجنة | ولا خايف من نار اتجوة | |
| بس لكيتك اهلا ربي | حتى نعبدك والك الشكوى | |
| يكل للدنية شمالج عني | ماريدن من عندج عطوة | |
| يادنية شبيج تغريني | روحي لغيري يحب السلوة | |
| طلكتج والفوز ببعدج | فايز باعمالي وبالتقوى | |
| ياحيدر والخلق الدنية | من غيرك درهم مانسوة | |
| صيني | ||
| من كثر البحث بطل ونيني | عرفت الفرق مابينك وبيني | |
| بعد لتفكر تناظر تجيني | تقنع الناس هذا كتاب ديني | |
| مغشوش وجذب مايملي عيني | يول جن البخاري طلع صيني | |
| يالتحاسبني | ||
| يالتحاسبني شقرة وشما قرة | اقرة كتبك لا تعوف مشمرة | |
| بس اكولن حقك شبيهن لكيت | غير اكاذيب ورواية مزورة | |
| دربي صافي وعدل طالع للامام | موش مثلك دربك اظلم ليورة | |
| اتوماتيك وطرح مابيه دغش | مو معلك عادي صاحب قرقرة | |
| دينكم زكزاك شما تحجي وتزيد | واحنة سيدة وعدل مثل المسطرة | |
| جايني تقارنلي صعلوك الثريد | وية داحي الباب ؟ سبع الكنطرة؟ | |
| شجاب خلفة الاعضب ووحشي العبيد | واحنة ذولة اولاد حمزة وحيدرة | |
| روح خذلك فرة وارجع من جديد | ولون مامش فرة خذلك فرفرة | |
| كوة مروة | ||
| كوة مروة كالو تدخل الجنة | جا متكلي من يادين ياسنة | |
| اذا دين الثريد وكسرة الماعون | لا ريد الثريد ولا اضوكنة | |
| تدخل جنة الله بحيلة مغافير | عمت عالعسل مايقترب منه | |
| من ربك اركدن كال جوة البيت | ليش فلانة طفرت واعرضت عنة | |
| تسعة جناين يحرسن هذاك البيت | بس وحدة التحوص ومارضت منة | |
| لون بنتة لوهب طيبة بهذاك اليوم | جا ربك يعين العمة عالجنة | |
| هنزو | ||
| حاير ضيف حيدر بيش اهنيه | تاليهة بقصيدة شعر هنيتة | |
| من الشيشان اجانة وكال واليتة | اعلى درب الله ورسول الله واهل بيتة | |
| اجانة وجن دمعتة التشتكي من الكوم | هلة والله بدمعتة ويا هلة بجيتة | |
| جكليت انة اطشلة ملبس وحلقوم | صلي اعلى النبي لو شفت جكليتة | |
| تنادي كروزني ياعلي يا كرار | على السانك يهنزو يلهج لكيتة | |
| موش جديدة هالموقف على الشيشان | من طردو شيوخ النصب حسيتة | |
| بين البحر الاسود وبحر قزوين | ظهر خط الولاية بفخر مديتة | |
| سولفهة عالدبة | ||
| متى تفهمون دين المرسل تتبعوه | مو فهموه حتى السيخ والصبة | |
| مو ورم كلبنة نريد ليكم خير | هلبت مخكم اعلة الخير يتربة | |
| ربك كال ماريدن اجر عالدين | بس مودة منكم ردت للقربى | |
| دبرتوهة؟ لا بالعكس ياهالناس | استكثرتوا المودة وخنتم بحبة | |
| شفت عدكم نبي من التلة راد يجيت | يدك الباب لمن يدخل لربة | |
| تعبت ايست منكم لا عقل لا دين | ما مش غير اركع راسي بالصبة | |
| سوالفكم اظن ما تعبر اعلة جحيش | لم اغراضك وسولفهة عالدبة | |
| ضايع | ||
| ضايع لا كفر ولا اسلم | لا حج لا صلى ولا سلم | |
| حافظ جلمة وديرددهة | يا لامي خليني اتكلم | |
| خليني اتكلم يا لامي | مو سوطك نعنعلي عظامي | |
| تشرب ماي واني الظامي | متوسد بالشك وبالهم | |
| بالهم والشك شو متوسد | ما يعرف جامع لا مسجد | |
| من السب لسانه مايركد | دوم الدوم منكع بالسم | |
| دوم الدوم بسم منكع | جن جدة الياكل مايشبع | |
| بس تشوفه الوادم تفزع | يطفر ينفر ينكط بالدم | |
| تعوذت | ||
| تعوذت من طفرتك يلساني | النوبة د يطفر علي جولاني | |
| انت من كل عقلك ورايك يفيد | شورطك وي فكرتي وايماني | |
| جان ناقشتك لجن دينك خراب | دين فشلة وية الغرب خزاني | |
| ارد اكلك لو ردت تسأل عليه | كلنة ندري شنهو حد الزاني | |
| بس متدري شنهو حد ابن الحرام | دبل قبقاب وشرط الماني | |
| ردت جم صابونة تحسب وكلوك | لمن غسلو جهرتك خواني | |
| بقت بس صابونة وحدة ومادريت | زحلكوك الربع يالسفياني | |
| لملم جوالاتك وسيدة وعدل | على الشماعية طب شمتاني | |
| حيدر علي | ||
| اظن حيدر كربت ايامة | وشايل اعلى اجتافه حمل اسلامة | |
| تخيل انتة الحال من دون الولي | ليل اظلم مايروح وينجلي | |
| واليتامى تصيح وينك ياعلي | تايهة وتصرخ الم اليتامى | |
| واكف يناجي وعيونة عالسمة | ينطر الليلة وثغرة مبسمة | |
| توجه لبيت الله يرجو الخاتمة | عرضت الطير وكفت جدامة | |
| شلون ايام الحزن بيهة انبره | لا قصيدة ولا رواية تصورة | |
| تسأل الوادم شنو الصار وجرة | غدر جتي الطبرة فوك الهامة | |
| فزت ورب الكعبة نادى المرتضى | والشقي الفاسق موعود بلظى | |
| لعنة الله اعليه واعلى الحرضه | زمرة للدين اصبحت هدامة | |
| مايهز الهام حامي المرجلة | يم رسول الله اظن سلوة الة | |
| واكف اعلى الحوض جن يستقبلة | ينتظر جية علي قسامة | |
| خذلك فرة | ||
| يلتسأل التمسك تقرة | وتدور عالحق وفكرة | |
| اقرة كتاب الله وجاوبني | بس لا تبقة بهاي الحسرة | |
| جلمة مومن بس بالمفرد | بكتابة انذكرت جم مرة | |
| بس مرتين انذكرت صدك | الاولى بفرعون الفترة | |
| والثاني بحيدر هم نزلت | حتى تثبت امر العترة | |
| تشهد احد وبدر وخيبر | من يلزم كل فوج يطشرة | |
| تشهد الاحزاب وموقفهة | برز الايمان يحز نحرة | |
| ضرغام وميهاب الظالم | تشهدلة الحوأب والبصرة | |
| تشهد صفين ابن العاصي | من خلاه يطلع من كشرة | |
| ولو تسأل عن طبرة مرحب | ما تتكرر ذيج الطبرة | |
| تشهدلة الحلة وشمستهة | من قبلت ترجع تنتظرة | |
| بس حيدر بالجنة مبشر | لا ستة وسبعة ولا عشرة | |
| حيدر علمة بكد الدنية | واتحداك انك تختصرة | |
| مولاي شكد ضيم تحمل | صبر ايوب يضاهي بصبرة | |
| ولو تسأل الايتام الجانت | تالي الليل بشوك تنطرة | |
| حيدر سيف اعلى المايشبع | بس بلسم للناس الفقرة | |
| بربك هم شايفلك واحد | بالمحراب وهامة مشطرة | |
| يصرخ والله انة الفايز | بس هدمت اركان الثورة | |
| شوف الصعلوك بيا تالي | تالية وشم جيفة كبرة | |
| وروح لحيدر لما تزورة | ينفك كلبك يم الحضرة | |
| سر مودع باعظم خلقة | بس الله اللي يعرف سرة | |
| ربك ليكلك يبن ادم | ذكر بلجي تنفعة الذكرة | |
| يوم الحشر يواجه ربة | كلمن هية اعمالة تحشرة | |
| لا تنفع مالة واولادة | سكيفة الماتنفع لا شجرة | |
| بس بخم تنفع صدكني | لو جنت انتة الحق تدورة | |
| خشت بدماغك ؟ فهمني | لو مخك جيم فد مرة | |
| لو ما خشت ارجع اكلك | يمعود شو خذلك فرة | |
| لازم لزمة | ||
| مكيف جاي ولازم لزمة | جاي لوعد تريد تهزمة | |
| حقك مو حافظ مافاهم
بالك تتحرش بالشيعة |
واللي مثلك ياهو يفهمة
عدهم خير سلاح الكلمة |
|
| مايطلع سيفه من غمدة | الا بوجه الخايس دمة | |
| ولو سهمة انطلق يطشرهم | فرط الصوت يصوب سهمة | |
| انتم ماعدكم خوف الله | بضمايركم عدكم ازمة | |
| برغي محير | ||
| اينك انت وملة جعفر | وضعك دج ومايتغير | |
| كل في راحته صك | وانتة الصكك مايتجير | |
| اهدأ وتحلى بالصبر | كلسا تطفر جنك كنغر | |
| لست ارى في وجهك نورا | سوي سناب وحطلك فلتر | |
| بدلا ان ترمي بهتانا | حط مساحة وقلم ودفتر | |
| مااروع ماوصف الحجي | هم سن عكسي وبرغي محير | |
| لست باكثر من برغي | عوزك بس سبرنك وواشر | |
| لكنك صديء ورديء | بسكول سبانة وماتفتر | |
| ليت اصبت بيوم هدفا | بس مو صوجك صوج السنتر | |
| الكولجي | ||
| زمن انة الكولجي ولة وكضة | والتكول صحيح احنة نمرضة | |
| لاتظن تاريخكم ماننقضة | دين الكلاوات ربع الرضرضة | |
| مالهم شغلة بامر طه الامين | لا ولا برضاة رب العالمين | |
| يعين ربي گلب امير المومنين | دين الكلاوات ربع اجمعين | |
| اجمعين المعنى ان كلهم سوة | مومن وفاسق بنفس المستوى | |
| مرض چن بكلوبكم مالة دوة | دين الكلاوات ربع الصوصوة | |
| كيفت ردت الملف تسكرة | والصحيح العندي رايد تنكرة | |
| مافلح كوم الوليتهم مرة | دين الكلاوات ربع القشمرة | |
| كافي تلزيك وحديث ترهمة | شمالك تدلس وجذبك ترگمة | |
| هية حبة حمص وبالجمجمة | دين الكلاوات ربع البمبمة | |
| النوبة هددني يجيني لكربلة | جا يخايب ياهلة ومية هلة | |
| شنهي قابل تايهة وكلمن الة | دين الكلاوات ربع البلبلة | |
| وندوز | ||
| اصابيعك يصح بيهة اختلافات | هم شايف عثك فد لون بالموز | |
| وحليب الطاهر من الاصل معروف | شوف انتة الفرق عن ربع كيكوز | |
| بعض باعت ضمايرهة بفلاسين | وصفت دخان طالع من الكزوز | |
| صفقة الدين عد بعض الحثالات | ظنيتو خسارة يمثل وفوز | |
| موش العوز الا بمال لو جاه | ممكن بالضمير يبين العوز | |
| يصح هذا المدعبل صجم جتال | مو كل المدعبل يعتبر جوز | |
| يحجي لايهمك هذا او ذاك | فايروس اعتبرهة وضرب وندوز | |